Kun 2 år og 3 månader gammal har KV Skåtfjellets ETS Molo oppnådd alle krava som skal til for å bli tildelt Norsk Utstillings Championat! Han fekk nemleg sitt 3. CERT 16. juni på Hallingdal Fuglehundklubbs utstilling og dermed kan søknaden om championatet sendast inn. Dette var Molos andre utstillingshelg og han vart også Best I Motsatt kjønn (BIM) på denne utstillinga.

Molo med sin eigar Tom Lilletvedt, må seiast å ha gjort lynkarriere.

Allereie på sin første start i AK vart det 1AK! Dette skjedde på Geiloprøven 13. april i år der Molo varta opp med 2 flotte fuglearbeid.

På si første utstillingshelg fekk han CERT  og vart Best I Rasen (BIR) begge dagane og på si andre utstillingshelg kom altså det 3. CERTET!

Han vart flott ført av Lisbeth Ottesen på begge utstillingshelgene.

Dette er imponerande resultat og spesielt med tanke på at han kun er litt over 2 år. Det kan jo ikke gjerast betre enn dette!

Molo er HD-røntga med A-hofter og godkjendt avlshund i Norsk Vorstehhund Klubb. I tillegg til sin 1AK høgfjell har han følgjande premieringar:

• 2 x 3UK, vinter
• 3 x 2UK vinter,
• 1 x 2UK høst og
• 1UK høst

Molo er frå Tom Lilletvedts eige oppdrett, Kennel Skåtfjellet, og er etter Skåtfjellets Bzt Tella og Haugtuns Shock til Lisbeth Ottesen.

Tom har oppnådd flotte premieringar på sine hundar opp igjennom åra og likar spesielt godt å trene fram unghundar tik å bli dugende jakthunder.

For tida har han og familien 3 korthår; Skåtfjelles BZT Tella, Skåtfjellets DTL Vesna og Skåtfjellets ETS Molo (2 år og 3 mnd). Molo er Toms første hannhund i rasen, men han  har tidlegare hatt ein Gordon Setter hann og ein Irsk setter hann. Han synes ikke det er så stor forskjell på det å ha hannhund eller tispe. Ein slepp løpetid, innbilt svangerskap og å bekymre seg for at hunden skal få livmorbetennelse når ein har hannhund så det er jo eit pluss, men ellers synes han ikke det er så stor forskjell. Han er svært fornøgd med Moloen.

Me i NVK Vestland er stolte over det vår medlem Tom Lilletvedt  har oppnådd og gler oss til å følge dei vidare. Me gratulerer så masse!